No schnäll i Usgang es isch ume Samstig Abig
Überem Galgefäld hänkt rot u voll der Mond
Me füehlt sech so dehei, es chönnti fasch scho weh tue,
dass grad d Versuechig chönnti cho schnäll öppis z näh
När hocki wieder hie im Spunte u tue warte
Die glyche Lüt wie gestern Abig spiele Charte
Die glychi Beiz, die glyche Witz, die glyche Lüt
u nüt isch glych, u glych isch nüt - isch mir doch glych

Houptsach es rouchnet, Housi
nüt isch ganz vergäbe
Houptsach es rouchnet, Housi
nume die Knüppelherte wärde überläbe

Ar Bar steit eine u suuft sit zwänzg Jahr Cuba Libre,
stopft sech der Bart mit gsalzne Nüssli voll
gestikuliert vor ere Gruppe wilde Wiiber
u verzellt permanänt vor Wältrevolution
U d Avantgarde hocket scho bir achte Stange,
fix u fertig nachem Studium blybe hange
Hütt wärde alti Zyte no einisch begosse
Hütt isch Samstig Abig i de "Eidgenosse"

Houptsach es rouchnet, Housi
nüt isch ganz vergäbe
Houptsach es rouchnet, Housi
nume die Knüppelherte wärde überläbe

D Dame links am Tisch het hütt e freie Usgang
Es brucht ja scho chli Muet will sie kennt d Scene nümm guet
Der Architekt redt vom Projekt u wott se heinäh
u seit wed ds glyche wosch wien i, Hasi, geits is guet
U när chunnt sie zur Türen ii als wäris gester gsy
I ha scho tuusig Härze i die Tische gschnitte
Wed üsi alti Liebi suechsch, sie hanget gäng no hie
sitdäm du bisch tubet u i bi blybe sitze

Houptsach es rouchnet, Housi
nüt isch ganz vergäbe
Houptsach es rouchnet, Housi
nume die Knüppelherte wärde überläbe
Houptsach es, Houptsach es rouchnet, Housi
nüt isch ganz vergäbe
Houptsach es rouchnet, Housi
nume die Knüppelherte wärde überläbe
Hou-Hou-Hou-Hou-Hou-o-Hou-Hou
Houptsach es rouchnet, Houseli-Housi-Housi
Houptsach es rouchnet, Housi
Houptsach es rouchnet, Housi
nume die Knüppelherte wärde überläbe