Binere Nordmeerfahrt, da han i myni Hand verlore
Si hanget gäng no dürr ir Takelage
U sit dr Bering-See han i ke Nase meh
U statt füf Finger a der Hand han i nume no e Hake

I ha Matrose am Mascht, am lingge Oug da bin i blind
I bi zwar lädiert, aber chrüze gäge Wind
Jede andere wär tot, aber i sägle mit mym Boot
Pirat sy isch e Zueschtand vo der Seel

D Chopfjeger z Borneo hei afe d Ohre gno
Aber mys Schiff isch wieder flott, i lose nume was i wott
Vom beschte Bitz het z Schanghai dr Hai dr Spitz abbisse
I ha sie heigno u bi hingrisse gsi

I ha Matrose am Mascht, am lingge Oug da bin i blind
I bi zwar lädiert, aber chrüze gäge Wind
Jede andere wär tot, aber i sägle mit mym Boot
Pirat sy isch e Zueschtand vo der Seel

U mängisch wünsch i mir, i wäri Lokiführer worde
Oder Psychiater oder Bürolischt
U müesst nüm seechrank i grüeni Wälletäler starre
I däm schöne Ämmital wie ne gschtrandete Korsar

Me het mi gfasst, uf ne Kanone bunde
Has überläbt, schwär verletzt
Dür ds Loch im Ranze pfiift e chalte Wind
I brate schwarzi Chatze, singe bösi Lieder
U gseh chrank us, mit dir im Fankhuus

Myni Zäng di sy us Gold u my Scheiche isch us Holz
Ja, ja für di isch immer schön, aber ig gschpüre dr Föhn
Vo Schanghai nach Schangnau über d Höger immer wyter
I bi nüt nume e bittere Geischterwälleryter

I mym Oug steckt e Patrone, i bade blutt i de Dublone
I bi zwar lädiert, aber chrüze gäge Wwind
Jede angere wär tot, aber i sägle mit mym Boot
Pirat sy isch e Zueschtand vo der Seel
Pirat sy isch e Zueschtand vo der Seel
Pirat sy isch e Zueschtand vo der Seel