Im Sandchaschte isch nid zämegruumt
Der Mischtsack steit z früe duss
U z Altpapier ligt uf der Stäge
Am Elfi znacht het eine duschet
Im Iigang ligt e Roby Dog
Es Velo isch falsch parkiert
Am Balkon het der Muselmaa
Sys Lammgigot grilliert

Ja, das wär doch no es Jöbli füre Hene
U dä isch Abwart, 3 mal 24 Chauffeur
Jaja bim Hene het me Ornig, s chanem kene
Der Hene het si Bäse wie nes Gwehr

Wenn är am Samstig znacht
Es Dackeli verschwartet
De Ching im Block
Die Velo dännebschliesst
Und wenn är ersch
Si Motormäjer startet
Da füehlt är sich als Chef vom Block
Vom Garage und vom Garte

Ja das wär doch...

Also i kenne kene vo dene
Woni kenne
Wo wär wi der Hene
Will der Hene isch
Eine vo dene wo me weiss:
Mir cha kene
Du muesch lang renne für ne Hene
U fingsch chuum eine
Will wes der Hene nid miech
(unger üüs gseit)
S miech ja wieder kene

Ja das wär doch...

Stöh Trottis ume wird der Hene
Hennarot vor Wuet
Isch d Stäge gfägt
Denn geits em Hene
Wieder heneguet
O popom popopom
Popopopom...

Ja, das wär doch...