Ds Läben isch e Geischterbahn
Am Morge früeh im erschte Tram
Obwohl ke Fasnacht isch het's Larve
"E schöne Tag"
Suberi Purschte
Gseh hinger jedere Maske
Scho e nöji füre cho
I däm Kaschperlitheater
Es isch wie z Wien
Im Wurschtelprater
I gloub i spinne
Es isch der Angschthas
I mir dinne wo mir seit
Nei Häsu, jetzt blybsch da
Deheim isch dert
Wo me nid usecha

Es tuet eim grusle
Me wott use
Öpper schtygt us
Me steit uf d Syte
Fahrt wyter mit em Tram
Ds Läben isch e Geischterbahn
So i ha zahlt
Jetz wott i fahre
I ha e Charte glöst
I wott go jätte zu mym Pflanzblätz
U dert warte, ob öppis chunnt
Im Schrebergarte

I sött go Schnägge schnätze
Spargle stäche
Über ds Verbräche drüber räche
Go Böim umsage
Rase schpränge, Wäg planiere
Platte häre
I gieng so schampar gärn go gartne
Cha zwar nüt pflanze
Doch i würd e Zuun rund ume zieh
Oder e Haag us Buchs
Wwe glych öppis chäm
Würd i bschütte wes nid schiffet
Umestäche we das Wätter e chli wott
Aber i ha leider ke Parzälle
Nid emal es Gartetor...

Kes Gärtli für e Friede
Wo i chönnt häreliege
Ke Stuehl, kes Sofa, ke Bode,
Ke Gartesitzplatz, ke Prärie

U glych dänk i mir
Das wär doch schön
Es Grab mit Blueme druff
Oder wenigschtens e lääre Bluemetopf
I ha no nie e Wohnig gha
I bi chli hie i bi chli da
Chli überall u niene

Und jetzt han i vergässe
Warum i hie im Tram desumefahre
Mit däm Spate i der Hand
Mit dene früsch putzte Lüt
Wo zum Fänschter use luege
Obwohl me wäg der Wärbig
Eh nüt meh gseht
Jede Quadratcentimeter wird gnutzt
Für die bin i nume es Gschpängscht
E schwarze Gedanke wo mit ihne
Ids Wankdorf usefahrt
Sie loufe eifach dür mi düre
Als ob i gar nid würdi sii
Stäle mir myni neui Schufle
Und grabe sich sälber i
I bi so truurig
Niemer wott mi gschpüre
Si luege eifach wäg
Di glyche Lüt notabene
Mit dene ig am änd
Scho geschter im letschte Tram
Uf die Allmänd bi use gfahre

Ds Läben isch e Geischterbahn
Am Morge früeh im erschte Tram
I zieh mis Gsicht ab, blybe Gloon
Und fahre bis zur Ändstation

S Läben isch e Geischterbahn am Morge früeh im erschte Tram
S Läben isch e Geischterbahn
Obwohl ke Fasnacht isch het's Larve, "Schöne Tag", suberi Purschte
Gseh hinger jedere Maske scho grad e neui füre cho
So schlimm wi s usgseet chas nid cho
I däm Kaschperlitheater
Es isch wie z' Wien im Wurschtelprater
I gloub i spinn
Es isch der Angschthas i mir dinn wo mir seit
"Nei, Häsu, du blybsch da!"
Deheim isch dert, wo me nid usecha

Sie hei chly Angscht
U stelle sich möglichst nach zur Türe
Wo der Notfallhammer isch
Sie tüe sich gruuse, öpper wott use
U me fahrt witer mit em Tram
So, i ha zahlt, jetz wott i fahre
I han e Charte glöst, i wott go jätte i my Pflanzblätz
U dert warte ob öppis chunnt im Schrebergarte
I wott go Schnägge schnätze, Spargle stäche
Über ds Verbräche drüberräche
Go Böim umsage, Rase schpränge, Wäg planiere u Platte häre
I gieng so schampar gärn go gartne, cha zwar nüt pflanze
Doch würd e Zuun rund ume zieh, oder e Haag us Buchs
U we glych öppis chäm när würd i bschütte, wes nid schiffet
Würd umestäche, we das Wätter e chli wott
Aber ds Läben isch e Geischterbahn
I ha leider ke Parzälle
I ha nid emal es Gartetor, kes Gärtli für e Friede
Won i chönnt häreliege, ke Stuehl
Kes Sofa, ke Bode, ke Gartesitzplatz, ke Prärie

U glych dänk i mir, es wär doch schön
Es Grab mit ere Blueme druff
Oder wenigschtens e lääre Bluemetopf
I ha no nie e Wohnig gha
I bi chli hie u bi chli da
I bi chli überall u niene

S Läben isch e Geischterbahn
U jetz han i vergässe, warum i hie im erschte Tram desumefahre
Mit mym Spate i der Hand
U dene Lüt, wo früsch putzt sy u zum Fänschter use luege
Obwohl me wäg der Wärbig überhoupt nüt meh gseht
Wil Quadratsantimeter gnutzt wird
Ja, für die bin i nume es Gschpängscht
E schwarze Gedanke, wo mit ihne is Wankdorf usefahrt
Sie loufe eifach dür mi düre
Als ob i gar nid würdi sii
U stäle mir myni neui Schufle u grabe sich sälber i
Oh, i bi so truurig, wil niemer mi wott gschpüre
Si luege eifach wäg
Di glyche Lüt notabene
Mit dene won ig am Änd
Scho geschter im letschte Tram
Uf die Allmänd bi use gfahre

Ds Läben isch e Geischterbahn
Am morge früeh im erschte Tram
Ds Läben isch e Geischterbahn
I zieh mis Gsicht ab, blybe Gloon
Und fahre bis zur Ändstation
S Läben isch e Geischterbahn
E Geischterba-a-ahn
E Geischterba-a-ahn
S Läben isch e Geischterbahn
E Geischterba-a-ahn
E Geischterba-a-ahn
S Läben isch e Geischterbahn
E Geischterba-a-ahn
E Geischterba-a-ahn
S Läben isch e Geischterbahn
E Geischterba-a-ahn
E Geischterba-a-ahn
S Läben isch e Geischterbahn